అధిక జ్యేష్ఠ మాసం ఈ ఏడాది మే 17వ తేదీ ఆదివారం నుంచి వచ్చే నెల 15వ తేదీ సోమవారం వరకు అధిక జ్యేష్ఠ మాసం

(ఫోటోలు- iStock)

Adhika Jyeshta masam 2026 : హిందూ మత విశ్వాసాల ప్రకారం, వైశాఖ మాసం తర్వాత జ్యేష్ఠ మాసం వస్తుంది. అయితే సూర్య సిద్ధాంతం, బ్రహ్మ సిద్ధాంతం తదితర గ్రంథాల ప్రకారం, ఏ చాంద్రమాసంలో సూర్య సంక్రాంతి కనిపించదోఆ కాలాన్ని ‘అధిక మాసం’గా పరిగణిస్తారు. దీన్నే పురుషోత్తమ మాసం అని కూడా అంటారు. జ్యోతిష్యశాస్త్రం ప్రకారం, ఒక ఏడాదికి 365 రోజులు 6 గంటల 11 సెకన్లు. అయితే ఒక చాంద్రమానం ప్రకారం ఒక ఏడాదికి 354 రోజుల సుమారు 9 గంటలు మాత్రమే ఉంటుంది. ఈ రెండు మాసాల మధ్య సమన్వయం కల్పించేందుకు భారతీయ శాస్త్రకారులు ‘అధిక మాస’ వ్యవస్థను రూపొందించినట్లు ప్రముఖ పండితులు చెబుతున్నారు. ఈ అధిక మాసాన్ని పురుషోత్త మాసం అని కూడా అంటారు. ఈ కాలంలో ప్రతిరోజూ స్నానం చేసిన అనంతరం మీ శక్తి, సామర్థ్యాల మేరకు దానధర్మాలు చేయడం వల్ల శుభ ఫలితాలొస్తాయని పండితులు చెబుతున్నారు. 

 జ్యేష్ఠ శుక్ల పక్షం, రెండో పక్షం అయిన క్రిష్ణ పక్షంలో ఎలాంటి సంక్రాంతి లేకపోవడంతో ఈ జ్యేష్ఠ మాసాన్ని అధిక మాసంగా పరిగణించనున్నారు. ఈ లెక్కన ఏ ఏడాదిలో అయిన రెండు జ్యేష్ఠ మాసాలు వస్తాయో ఆ సమయంలో ప్రపంచంలోని కొన్ని దేశాల మధ్య విభేదాలు రావొచ్చు. రాజకీయంగా అనేక సమస్యలు ఎదురయ్యే అవకాశం ఉంది. ప్రముఖ నాయకులు మరణం లేదా పదవీ కోల్పోవడం, హింసాత్మక ఘటనలు జరగొచ్చు. ప్రజలు కొత్త రోగాల బారిన పడచ్చు. పూజా కార్యక్రమాలు, దానధర్మాల కార్యక్రమాలు ఎక్కువగా జరిగే అవకాశం ఉంది.

by Taboola

Sponsored Links

You May Like

Indians over 65 are switching from hearing aids to this new device.Recommended by audiologistHearing Aids

అధిక జ్యేష్ఠ మాసంలో చేయాల్సిన పనులు

 అధిక జ్యేష్ఠ మాసంలో వేణుమాధవుడిని స్మరించుకుంటూ స్నానం చేసిన అనంతరం ఉపవాస దీక్ష కొనసాగిస్తూ పూజలు చేయాలి. ఇలా చేయడం వల్ల మీకు శుభ ఫలితాలొస్తాయి. అధిక మాసంలో విష్ణుమూర్తి స్వరూపుడిగా భావించే సూర్యుడిని ఎరుపు రంగు పువ్వులతో పూజించాలి. అనంతరం మీ శక్తి, సామర్థ్యాల మేరకు ధాన్యం, పండ్లు, దుస్తులు దానం చేయాలి. అలాగే నెలాఖారులో బెల్లం, నెయ్యి వంటి వాటిని దానం చేయాలి.
ఈ మంత్రాలను పఠించాలి
కేశవం మాధవం రామమచ్యుతం పురుషోత్తమమ్
వాసుదేవం జగద్యోనిమనంతం శేషశాయినమ్
జనార్దనం ధరావాసం దామోదరమధార్దనమ్
గోవిందం వామనం శ్రీశం శ్రీక్రిష్ణం విశ్వసాక్షిణమ్
ఈ పనులు చేయకూడదు
* అధిక జ్యేష్ఠ మాసంలో ఎలాంటి శుభకార్యాలను నిర్వహించకూడదు.
* అయితే కొన్ని అత్యవసర కర్మలు చేయొచ్చు.
* వివాహ కార్యక్రమాలు, విహారయాత్రలు, కొత్త ఇంట్లోకి ప్రవేశించడం చేయకూడదు
* కొత్త వాహనం, కొత్త ఆభరణాలు, కొత్త బట్టలు వంటివి తీసుకోకూడదు.
* కొత్త భూమి, కొత్త ఆస్తిని కొనుగోలు చేయడం వంటివి చేయకూడదు. ఇలా చేయడం వల్ల మీరు నష్టపోవాల్సి రావొచ్చు.