తద్దినం సమయము మరియు నియమాలు

పంచాంగ శ్రవణం 2018 ప్రభవాది 60 సంవస్చరములలో 32 వది శ్రీ విలంబి నామ సంవస్చరము. తెలుగు సంవత్సరాల ప్రకారం చైత్రమాసంలోని పాడ్యమితో కొత్త ఏడాది ప్రారంభమవతుంది. కాబట్టి ఈ రోజునే ఉగాది పండుగ జరుపుకుంటారు. దీని వల్ల కాలాన్ని లెక్కించడానికి వీలవుతుందని పురాతన కాలంలో పండితులు నిర్ణయించారు. లక్ష్మీ కటాక్షానికి, విజయసాధనకు నిత్యం చైతన్యంతో ఉండాలి. జీవులకు ఈ చైతన్యాన్ని ఉగాది శోభ అందజేస్తుంది. ఉగాది వేళ ఘడియలు, గంటలు, రోజులు, వారాలు, పక్షాలు, నెలలు, రుతువులు, ప్రాణులు కాలస్వరూపమైన ఏడాదిలో నివసిస్తుంటాయి. ఉగాది నాడు ముఖ్యమైంది పంచాంగ శ్రవణం. దీన్ని ఉగాది రోజే ఎందుకు నిర్వహిస్తారంటే తెలుగు సంవత్సరాది ప్రారంభమయ్యేది ఉగాదితోనే. కాబట్టి ఆ రోజు ఆలయంలోగానీ, గ్రామకూడలిలో గానీ పండితుల సమక్షంలో పంచాంగ శ్రవణం నిర్వహిస్తారు. వారి రాశి ఫలాలు, గ్రహస్థితులు ఎలా ఉన్నాయో తెలుసుకుని ఏవైనా దోషాలుంటే వాటి నివారణకు శాంతి పూజలు నిర్వహించి ఇబ్బందులు తొలగించుకోడానికే పంచాంగ శ్రవణం చేస్తారు. పంచాంగ శ్రవణంలో తిథి, వార, నక్షత్ర, యోగ కరణ ఫలితాన్ని తెలుసుకోవడం ద్వారా గంగానదిలో స్నానం చేసినంత పుణ్యాన్ని పొందుతామనేది పెద్దల నమ్మకం. అంతే కాకుండా పూర్వ కాలంలో ఆ ఏడాది వర్షపాతం ఎలా ఉండబోతుంది? పంటలు పరిస్థితేంటి? ఏరువాక ఎలా సాగుతుంది? అనే విషయాలను తెలుసుకోడానికి ఇది ఉపయోగపడేది. ఉగాది నాడు పంచాగ శ్రవణం చేసేవారికి సూర్యుడు శౌర్యాన్ని, చంద్రుడు ఇంద్ర సమాన వైభవాన్ని, కుజుడు శుభాన్ని, శని ఐశ్వర్యాన్ని, రాహువు బాహుబలాన్ని, కేతువు కులాధిక్యత ప్రసాదిస్తారని పురాణాల్లో పేర్కొన్నారు. ఈ పాడ్యమి నుంచి వరసగా వచ్చే తిథులు- వాటికి సంబంధించిన దేవతల ఆరాధనలకు ప్రాధాన్యమిస్తున్నాయి. సాధారణంగా నూతన సంవత్సరం అంటే జనవరి 1 అని భావిస్తాం. కానీ మన తెలుగు సంవత్సరాది ప్రకారం కొత్త సంవత్సరం అంటే ఉగాది. ఆ రోజు ఉగాది పచ్చడి ఖచ్చితంగా చేసుకుని తింటాం. అలాగే ఆ రోజు నుంచి ఏడాది పాటు వ్యక్తిగత, సామాజిక వృద్ధి ఎలా ఉంటుందో తెలుసుకునేందుకు పంచాంగ శ్రవణం చేయటం తెలిసిందే. ఆ రోజు చేసే ఉగాది పచ్చడిలో అన్ని రుచులు వేస్తారు. ఎందుకంటే సంవత్సరం అంతా వారి జీవితంలో ఆ రుచులు తీపి, చేదు, పులుపు, వగరు, కారం, ఉప్పు ఇలా ఆరు రుచులు కలగలిసి జీవితం ఉంటుందని చెప్పేదే ఈ సాంప్రదాయం. ఇక కొత్త సంవత్సరం ప్రారంభం అవుతుందంటే ఆ సంవత్సరం ఎలా ఉంటుందో అని అందరిలోనూ ఆసక్తిగా ఉండటం సహజమే. ఉగాది నుండి ఏ రాశి వారు ఏమేం చేస్తే అదృష్టం కలిసి వస్తుందో జ్యోతిష్య నిపుణులు చెప్పిన విషయాలను ఇప్పుడు తెలుసుకుందాం. రాజాది నవ నాయకుల ద్వారా ఈ సంవశ్చరములో ఉన్న గ్రహ బలం, వర్ష యోగం, ధరలు మొదలగునవి గ్రహించాలి. ముక్యంగా యుద్ద భయం, పొరుగు దేశాలతో సంబందాలు, విదేశీ ఎగుమతి దిగుమతులు మొదలగు వర్తక వ్యాపారాలు కూడా దేశ గోచార ప్రభావం పైనే ఆధారపడి ఉంటాయి. ఒక సంవశ్చరానికి వేరు వేరు గ్రహాలను రాజాదులు గా నిర్ణయించి, వారి శుభా శుభాల అనుసారంగా ఆ సంవశ్చరములో జరిగే అభివృద్ది ని గురించి చర్చించడం దేశ గోచారములో ప్రధాన పాత్ర వహిస్తుంది. చైత్ర శుద్ద పాడ్యమి వారాదిపతి రాజు అగును. ఆదివారం అధిపతి సూర్యుడు అంటే రవి మేష రాశి ఆదాయం 2 వ్యయం 14 రాజ పూజయం 5, అవమానం 7 అశ్విని నక్షత్రం : వైడూర్యము , మొక్క అడ్డ సారము, భరణి నక్షత్రం : వజ్రము, దేవదారు మొక్క, కృతిక 1 పాదం :కెంపు, మేడి చెట్టు ఈ రాశి వారు ఈ సంవత్సరం అంతా మంగళవారం నాడు ఎరుపు రంగు బట్టలను ధరించి ఆంజనేయస్వామి గుడికి వెళ్ళాలి. శివ , విష్ణు స్తోత్రాలు పట్టించాలి. లేదా వినాలి. శనగలు కిలోమ్బావు లేదా పుట్నాల పప్పు దానం గురువారం రోజున మరియు ఆవుకు తినిపించాలి. వృషభ రాశి ఆదాయం 11, వ్యయం 5, రాజపూజ్యం 1, అవమానం 3.కృతిక 2,3,4 పాదాలు, కెంపు, మేడి చెట్టు , రోహిణి నక్షత్రం: ముత్యం, అల్లనేరేడు చెట్టు మొక్క, మృగశిర 1,2, పాదాలు: పగడం, సాంద్ర చెట్టు, ఈ రాశి వారు ఈ సంవత్సరం అంతా శుక్రవారం నాడు తెల్లని బట్టలను ధరించి అమ్మవారి గుడికి వెళ్ళాలి.గురువారం శనగలు కిలో మీద పావు లేదా పుట్నాల పప్పు దానం మరియు ఆవుకు తినిపించాలి. మిథున రాశి ఆదాయం 14, వ్యయం 2, రాజ పూజ్యం 4, అవమానం 3. మృగశిర 3,4 పాదాలు: పగడం, సాంద్ర చెట్టు, ఆరుద్ర, గోమేధికం, రావి చెట్టు, పునర్వసు 1,2,3, పాదాలు పుష్యరాగం, వెదురు బొంగు చెట్టు, ఈ రాశి వారు ఈ సంవత్సరం అంతా బుధవారం నాడు ఆకుపచ్చని బట్టలను ధరించి రామాలయానికి వెళ్ళాలి.గురువారం రోజు శనిగాలు కిలోమ్బావు లేదా పుట్నాల పప్పు దానం, మరియు ఆవుకు తినిపించాలి. కర్కాటక రాశి ఆదాయం 8 వ్యయం 2, రాజపూజ్యం 7 అవమానం 3.పునర్వసు 4 వ పాదం: పుష్యరాగం, వెదురు బొంగు చెట్టు మొక్క, పుష్యమి నక్షత్రం : నీలం, రావి చెట్టు మొక్క., ఆశ్లేష నక్షత్రం : పచ్చ, నాగ కేసారం మొక్క. ఈ రాశి వారు ఈ సంవత్సరం అంతా సోమవారం నాడు తెల్లని బట్టలను వేసుకొని శివాలయానికి వెళ్ళాలి.గురువారం రోజున శనగలు కిలోమ్బావు లేదా పుట్నాల పప్పు దానం, ఆవుకు తినిపించుట చెయ్యాలి. సింహ రాశి ఆదాయం 11 వ్యయం 11, రాజపూజ్యం 3, అవమానం 6.మఖ నక్షత్రం : వైడూర్యం, మర్రి చెట్టు, పుబ్బ నక్షత్రం : వజ్రం, మోదుగ చెట్టు, ఉత్తర 1 వ పాదం, కెంపు, జువ్వి చెట్టు మొక్క, ఈ రాశి వారు ఈ సంవత్సరం అంతా ఆదివారం నాడు ఎరుపు రంగు బట్టలను వేసుకొని సూర్య భగవానుణ్ణి ఆరాధించాలి. శనగలు కిలోమ్బావు లేదా పుట్నాల పప్పు దానం, మరియు ఆవుకు తినిపించుట చెయ్యాలి. కన్య రాశి ఆదాయం 4, వ్యయం 2, రాజపూజ్యం 6, అవమానం 6ఉత్తర 2,3,4, పాదాలు : కెంపు, జువ్వి చెట్టు మొక్క , హస్త నక్షత్రం : ముత్యం, కుంకుండు కాయ చెట్టు మొక్క, చిత్త 1,2 పాదాలు, పగడం, తాడి చెట్టు మొక్క, ఈ రాశి వారు ఈ సంవత్సరం అంతా బుధవారం నాడు ఆకుపచ్చని బట్టలను ధరించి రామాలయానికి వెళ్ళాలి. శనగలు కిలోమ్బావు లేదా పుట్నాల పప్పు దానం మరియు ఆవుకు తినిపించాలి. తులా రాశి ఆదాయం 11, వ్యయం 5, రాజపూజ్యం 1 అవమానం 2. చిత్త 3,4 పాదాలు, పగడం, తాడి చెట్టు మొక్క, స్వాతి నక్షత్రం : గోమేదికం, మద్దె చెట్టు, : విశాఖ 1,2,3, పాదాలు పుష్య రాగం, తులసి మొక్క ఈ రాశి వారు ఈ సంవత్సరం అంతా శుక్రవారం నాడు తెల్లని బట్టలను ధరించి అమ్మవారి గుడికి వెళ్ళాలి. శనిగాలు కిలోమ్బావు లేదా పుట్నాల పప్పు దానం, మరియు ఆవుకు తినిపించాలి. వృశ్చిక రాశి ఆదాయం 2, వ్యయం 14, రాజపూజ్యం 5, అవమానం 2. విశాఖ 4 వ పాదం, పుష్య రాగం, తులసి మొక్క, అనురాధ నక్షత్రం : నీలం, బొగడ చెట్టు మొక్క, జ్యేష్ట నక్షత్రం, పచ్చ , విష ముష్టి చెట్టు మొక్క. ఈ రాశి వారు ఈ సంవత్సరం అంతా మంగళవారం నాడు ఎరుపు రంగు బట్టలను ధరించి ఆంజనేయస్వామి గుడికి వెళ్ళాలి. గురువారం నాడు శనగలు కిలోమ్బావు , శనివారం నాడు నువ్వులు దానం మరియు ఆవుకు తినిపించాలి. ధనస్సు రాశి ఆదాయం 5, వ్యయం 5, రాజపూజ్యం 1, అవమానం 5. మూల నక్షత్రం : వైడూర్యం, వేగిస చెట్టు, పూర్వాషాడ నక్షత్రం : వజ్రం, నిమ్మ చెట్టు , ఉత్తరాషాడ 1 వ పాదం, కెంపు, పనస చెట్టు పెట్టాలి. ఈ రాశి వారు ఈ సంవత్సరం అంతా గురువారం నాడు పసుపు రంగు బట్టలను ధరించి గుడికి వెళ్ళాలి.శనివారం నాడు నువ్వులు కిలోమ్బావు దానం మరియు ఆవుకు తినిపించాలి. మకర రాశి ఆదాయం 8, వ్యయం 14, రాజపూజ్యం 4, అవమానం 5. ఉత్తరాషాడ 2,3,4, పాదాలు, కెంపు, పనస చెట్టు, శ్రవణం నక్షత్రం : ముత్యం, జిల్లేడు చెట్టు, ధనిష్ఠ 1,2, పాదాలు పగడం, జమ్మి చెట్టు, ఈ రాశి వారు ఈ సంవత్సరం అంతా శనివారం నాడు నలుపు లేదా నీలం రంగు బట్టలను ధరించి వెంకటేశ్వర స్వామి గుడికి వెళ్ళాలి.గురువారం రోజున శనగలు కిలోమ్బావు శనివారం రోజున నువ్వులు దానం మరియు ఆవుకు తినిపించాలి. కుంభ రాశి ఆదాయం 8, వ్యయం 14, రాజపూజ్యం 7, అవమానం 5. ధనిష్ఠ 3,4, పాదాలు పగడం, జమ్మి చెట్టు , శతభిషం నక్షత్రం గోమేదికం, అరటి చెట్టు, పూర్వాభాద్ర 1,2,3, పాదాలు, పుష్య రాగం, మామిడి చెట్టు ఈ రాశి వారు ఈ సంవత్సరం అంతా శనివారం నాడు నలుపు లేదా నీలం రంగు బట్టలను ధరించి వెంకటేశ్వర స్వామి గుడికి వెళ్ళాలి.శనివారం మినుములు కిలోమ్బావు , ఆదివారం ఉలవలు దానం, ఆవుకు తినిపించడం చెయ్యాలి. మీన రాశి ఆదాయం 5, వ్యయం 5, రాజపూజ్యం 3, అవమానం 1. పూర్వ భాద్ర 4 వ పాదం, పుష్య రాగం, మామిడి చెట్టు ఉత్త్తరబద్ర నక్షత్రం, నీలం, వేప చెట్టు , రేవతి నక్షత్రం : పచ్చ , ఇప్ప చెట్టు ఈ రాశి వారు ఈ సంవత్సరం అంతా గురువారం నాడు పసుపు రంగు బట్టలను ధరించి గుడికి వెళ్ళాలి.గురువారం శనగలు, శనివారం నువ్వులు కిలోమ్బావు దానం మరియు ఆవుకు తినిపిచాలి. ఇలాగే ఈ సంవత్సరం అంతా అన్ని రాశుల వారు పాటిస్తే అంతులేని ఐశ్వర్యం మీ సొంతం అవుతుందనేది నిపుణులు మాట. 27-7-2018 నాడు సంపూర్ణ చంద్ర గ్రహణం. 12-10-2018 శుక్రవారం నుండి భీమరధీ (తామ్ర పర్ని) నదికి పుష్కరములు ప్రారంబం అగును. 21-10-2018 నుండి 31-10-2018 వరకు శుక్ర మౌడ్యామి. 12-11-2018 నుండి 10-12-2018 వరకు గురు మౌడ్యామి. మనదైన శ్రద్ధ, శ్రమ, చిత్తశుద్ధి అన్ని రోజుల్నీ మంచి రోజులుగా మలుస్తాయి. అలాంటి మనోస్థితికోసమే నేడు భగవదారాధన, చక్కని భావనతో అందరి శ్రేయస్సునీ ఆకాంక్షించే చక్కటి విధుల్ని శాస్త్రాలు వివరించాయి.ఏ విలంబమూ (ఆలస్యం)లేని సత్ఫలితాల్ని ప్రసాదించే వత్సరం ఇది. తొందరపాటు లేకుండా ఆలోచిస్తే, ఆలస్యమూ క్షేమకరమేనని సూచిస్తోంది. మన చుట్టూ ఉన్నవారి క్షేమాన్ని ఆకాంక్షిస్తూ, మనవల్ల ఏ ఒక్కరికీ హాని కలగకుండా జాగ్రత్తపడుతూ పయనించాలి. ఈ జీవితంలో సంవత్సరం మలుపు- ఒక మంచి భావంతో పురోగమించడానికి మరో శుభారంభం. అన్ని ఫలాలూ సత్ఫలాలేనన్న సద్భావనతో స్వాగతిద్దాం!