పద్మిని ఏకాదశి తేదీ 29-7-2023 శనివారం

 అధిక శ్రావణ మాసంలో శుక్ల పక్షంలో వచ్చే ఏకాదశికి ఎంతో ప్రాధాన్యత ఉంది. ఈ ఏకాదశినే పద్మిని ఏకాదశి, కమల ఏకాదశి లేదా పురుషోత్తమ ఏకాదశి అని అంటారు. పద్మిని ఏకాదశి అంటే లోక రక్షకుడైన శ్రీ మహా విష్ణువుకు ఎంతో ప్రీతికరమైనది. ఈ పవిత్రమైన రోజున శ్రీ విష్ణుమూర్తిని భక్తి శ్రద్ధలతో పూజించడం కోరికలన్నీ నెరవేరుతాయని చాలా మంది నమ్ముతారు. ఈ పర్వదినాన ఉపవాస దీక్షను ఆచరించిన వారికి విష్ణువు ప్రత్యేక ఆశీస్సులు లభిస్తాయని పండితులు చెబుతారు. పద్మిని ఏకాదశి రోజున పెళ్లి కాని స్త్రీలు ఉపవాసం ఉండి మంచి భర్త కావాలని పూజిస్తే, వారి కోరిక కచ్చితంగా నెరవేరుతుందని పురాణాల్లో పేర్కొనబడింది.