నక్షత్ర రీత్యా సర్ప దోషాలు - నివారణ

నాగాశాపాలు, సర్పదోషాలు, కాల సర్ప దోషాలు, కుజ దోషాలు మొదలైన వాటి పైన ప్రజలలో చాల అపోహలు ఉన్నాయే. ఎప్పుడో పామును చంపటం వల్ల ఇలాంటి దోషము కలుగుతుంది అనుకుంటారు. నిజానికి కాలమే సర్పము. ఇది జర జరా పాకి పోతూ ఉంటుంది. ఇది ఎన్ని మెలికలు తిరిగినా దీని ప్రయానమార్గము ధర్మ మార్గమే. దీని వెంట వెళ్ళే జీవులు ఎప్పుడూ ధర్మ మార్గములోనే ఉంటారు. లేదా అధర్మ మార్గములో వెళ్ళేవారు ఈ కాలసర్పం కాటేస్తుంది. కాలం భగవంతుని సృష్టి. అయినా ఆయన మానవ శరీరము ధరించినపుడు దానికి కట్టుబడి ఉంటాడు. మార్గ శీర్ష మాసములో ఉదయించే సూర్య భగవానుని "అంశుమాన్" అంటారు. కాలసర్పం ఈయన రథాన్ని "మహాశంకనాగ్" రూపములో అధిరోహిస్తుంది. ఈయన వాయువు రూపములో సమస్త ప్రాణికోటికి ప్రాణవాయువు నందిస్తాడు. ఇంద్రుడి ప్రార్తను మన్నించి హిరణ్యాక్ష, హిరణ్య కశాపులను విష్ణుమూర్తి వధించగా, ఇంద్రవధ కోసం గర్భవతి అయిన దితి వ్రత పాలనం చేయడం మొదలెట్టింది. కపటముతో మారువేషము దాల్చి ఇంద్రుడు సవతి తల్లి సేవ చేయడానికి వచ్చి, వ్రతభంగం చేసి పగలు నిద్రిస్తున్న దితి గర్భము లోనికి ప్రవేశించి పిండాన్ని నలభై తొమ్మిది ముక్కలు చేశాడు. వారు చనిపోక నలభై తొమ్మిది శిశువులుగా మారగా వారిని తీసుకొని బయటికి వచ్చిన ఇంద్రుడు వారిని దేవతలుగా మార్చాడు. అమ్శుమంగా పిలవబడే ఈ వాయువే నలభై తొమ్మిది రూపాలలో సర్వత్రా వ్యాపించి ఉంటుంది. ఈ అమ్శుమానదిత్యుడికి మార్గ శీర్ష మాసములో ప్రతి ఆదివారము బెల్లము, నేతితో వందిన అన్నపాయసాని కొబ్బరికాయను నైవేద్యంగా సమర్పించాలి.